Li navçeya Lewiston a Eyaleta Maîne ya DYA’yê êrişa çekdarî hate kirin. Di encama êrîşê de 22 kesan jiyana xwe ji dest da û bi dehan kes jî birîndar bûn. Hat zanîn ku êrişkarê biçek ê bi navê Robert R. Card ê 40 salî, di tevahiya şevê de li kolanan geriyaye û herî kêm 22 kes kuştiye. Çapemeniya herêmî da zanîn ku derdora 60 kesan jî birîndar bûne.
Polîsan, ragihandin ku êrişkar hêj nehatiye girtin û ev hişyarî da: “Fermana derneketina ji malan a li Lewistonê hêj didome.”
Waliyê Eyaleta Maîneyê Janet Mills jî ev tişt anî ziman: “Haya min ji êrîşkarê biçek ê çalak ê li Lewistonê heye. Di vê mijarê de hatim agahdarkirin. Banga min ji bo her kesê li herêmê ew e ku li gorî fermanên hêzên eyalet û ewlekariyê tevbigerin.”
Rayedarên herêmî wêne û navê êrîşkar aşkere kiriye. Derklete holê ku kesê ev komkujî kiriye navê wî Robert Card e, berê mamosteyê çekan ê li Rezerva Artêşa Dewletên Yekbûyî bûye. Di havîna sala 2023’an de ji ber nexweşiya derûnî 2 hefteyan li nexweşxaneyeke derûniyê hatiye ragirtin.
Hêjayî bibîrxistinê ye ku par jî 29 cînayet li vê eyaletê hatibûn kirin û vê bûyerê rê li ber aloziyeke mezin vekiriye.
