Sereştişê vera bînaya HDPyî ya Cizîre ame protestokerdene. Protesto de mesajê têkoşîn û xoverdayîşî dîyayî.

Verê bîna de sereştişê polîsan ame protestokerdene. Parlamenterê HEDEPî Newroz Uysal Arslane û Mehmet Zekî Îrmez, endamê Meclîsê Mayanê Aştîye, aktîvîstê TJA û xeylêk kesî tewrê çalakîya eşkerayîye bîyî.

Polîsan waşt ke eşkerayîye asteng bikerê la girseyî bi çepikan polîsî şermezar kerdî. Dima Hemserekê HDPyî yê Şirnexî Abdullah Gungenî eşkerayîye wende. Gungenî wina vat: “3 reyî yo polîsan eşto bînaya ma ser. Ma nê nêzdîbîyayîşî şermezar kenê. Ma do azadîye û têdûştîye ra qetî apey gamêke nêerzê. Ma venga şarê xo danê ke wa wayîrê partîya xo vejîyo.”

Parlamentere Newroz Uysale zî îfade kerd ke îqtîdarê AKP-MHPyî bi nê hawayî xebatê weçînayîşî dayê destpêkerdene. Uysale vat: “Şarê Cizîre qetî vera zulmê winayênî sereyê xo nêaro war. Şima nêeşkenê ma bitersnê. Têkoşînê ma do dewam bikero.”