Endamê DAIŞî yo ke Bruksel de 2 kesî qetil kerdbî, serê sibayî sereştişê polîsan de kişîya.
Goreyê medyaya Belçîka hêrişker serê sibayî sereştiş de taxa Schaerbeekî de ameyo kiştene.
Serebûtê 16ê teşrîna verêne de hêrişkerî kuçe de merdiman ser o guleyî verdayî. Hêrişkerî dima facebook de dîmenêk weşana û vat: “Ez endamê DAIŞî ya. Seba qesasê misilmanan mi no hêriş kerd.”
Hêrişker Abdesalem L.yo 45 serre bi hawayêkê qeçaxî Belçîka de mendêne. Ey 2019 de seba multecîtîye muracat kerdbî û la ‘profîlê xo yê radîkalî’ ra muracatê ci amebî redkerdene.
