Şaristanê Stuttgartî yê Almanya de komeleya kurdan a newî ameye akerdene. Xeylêk temsîlkarê dezgehan û kesî tewrê akerdişî bîyî.
Hemserekanê NCDKyî Mesut Daghan û Pervîn Şene akerdiş de ard ziwan ke ê do merkezê neweyî de xebatanê hîna xurtan bikerê.
Hemsereka KCDK-E Zubeyde Zumrut akerdiş de bale ante hêrişanê dewleta tirke û îxanetê PDKyî ser. Zumrute vat ke kurdî do vera hêrişan apey gamêke nêerzê.
Hemsereka KON-MEDî Rûken Akça û sîyasetmedare Nursel Aydogane zî îfade kerd ke vera hêrişanê serê Kurdistanî têkoşîn ganî her ca de bêro pîlkerdene.
Vervatoxê HDPyî yê Almanya Faysal Sariyildizî da zanayene ke kurdistanijanê Stuttgartî tim pê çalakîyanê xo morê xo dayo binê tarîxî.
Akerdiş de hunermendî Hozan Alî Baran, Hozan Sîmar, Hozan Bermal Çem, Hozan Zeynep Enhas, Sedat û Bawer, Garîp Nurhak, Rever Davran û Koroya Zarokan vejîyayî sehne ser. Akerdiş pê govendan qedîya.
