Dêra Zorê de Operasyonê Xurtkerdişê Asayîşî yê vera DAIŞî û komanê sûcî yê organîzeyan roja 9. de bi serkewtişî dewam keno.
Merkezê Îrtîbatî û Çapemenîye yê Hêzanê Sûrîyeya Demokratîke (QSD) 27ê tebaxa 2023yî de vera cerganê DAIŞî û komanê sûcî yê organîzeyan herêma Dêra Zorê de Operasyonê Xurtkerdişê Asayîşî dabî destpêkerdene. Operasyon bi beşdarîya Hêzanê Asayîşî roja 9. de yo. Heta nika çarçewa operasyonî de tewr tay 50 sûcdarî û cergê DAIŞî tepişîyayî.
Dêra Zorê hetê Meclîsê Sivîlî û Meclîsê Leşkerî ra yena îdarekerdene. Operasyonê Xurtkerdişê Asayîşî armanc keno ke hucreyanê DAIŞî yê nimiteyan bitepişo. QSDyî 23yê adara 2019î de qezaya Baxozî ya Dêra Zorê azad kerdbî. Bi nê hawayî DAIŞî kelaya xo ya peyêne vînî kerde. La hucreyanê nimiteyan hêrişê vera rîsipîyan û şarî zêdînayî.
Cerganê DAIŞî ra ber komê sûcî zî hedefê QSD û Hêzanê Asayîşê Zereyî de yê. Nê komî petrol, genim, berhemanê Dêra Zorê diznenê benê û madeyanê narkotîkî roşenê. Fermandaran ra Ehmed El Xebil (Ebû Hewla) zî nê sûcan ra tepişîya. Coka nameyê operasyonî ‘Xurtkerdişê Asayîşî’ yo.
Dima ke operasyon dîya destpêkerdene tay terefan operasyon sey ‘şerê ereban û kurdan’ vist rojdem û waşt ke fîtne vejê, operasyonê serkewteyî asteng bikerê. La QSDyî û şarê herême vera ney tedbîrî girewtî û na polîtîka pûç kerde.
