Leşkeran li gundê Bameydan ê Farqînê de konê koçeran şewidandin û 5 koçer bi îşkenceyê binçav kirin. Leşkeran piştî kon dorpêç kir, di navbera leşkeran û şervanên HPG’ê de şer derket. Di şer de 3 şervanên HPG’ê jiyana xwe ji dest dan û 5 gundî jî bi îşkenceyê binçav kirin.
Xizmê malbatê R.D. piştî bûyerê ji Êlihê hat gund. Leşkerên ku rê girtibû, R.D. binçav kirin. Di dîmen û wêneyan de hat dîtin ku leşkeran konê malbata koçer şewitandine û îşkenceyê li şivanan dike. Leşkeran 5 kesên bi îşkenceyê binçav kirin birin Midûriyeta Cendirmeyan a Farqînê. D.D. yê 9 salî ku hat binçavkirin, paşê radestî ferdên malbatê hatiye kirin. Leşkeran piştî şerê li gund welatiyên koçer R.D. (54), S.D., H.D. (24), H.D. (28) û M.S. (45) binçav kirin û birin Qereqola Cendirmeyan.
Malbatê piştî bûyerê serî li Şaxa îHD’ê ya Êlihê da.
