Wezîrê Karên Derve yê Tirkiyeyê Hakan Fîdan piştî ku duh li Bexdayê li gel rayedarên Iraqê çend hevdîtinan pêkanî, di saetên dereng ên şevê de derbasî Hewlêrê bû. Fîdan ji aliyê berpirsên hikûmeta demkî ya Herêma Kurdistanê ve hat pêşwazîkirin.

Tê payîn di nava rojê de Fîdan li gel Serokê Herêma Kurdistanê Nêçîrvan Barzanî, Serokwezîr Mesrûr Barzanî û serokê PDK’ê Mesût Barzanî re bicive. Li gor çavkaniyan, wê di civîna li gel Barzaniyan li ser mijara ewlehiyê, aborî û neftê were axaftin.