Îdir de hêrişkarêkî tabelaya HDPyî cira raqilnaye û eşte çop.
Tabelaya Partîya Demokratîke ya Şaran (HDP) ya Îdirî hetê şexsêkî ra cayê cira ameye raqilnayene.
Hêrişê vera banê HDPyî ke Kuçeyê Riza Yalçinî yê Taxa Sogutluyî de Merkezê Karî yê Yoncali de katê diyinî de yo, hetê kamerayêka asayîşî ra ame qeydkerdene.
Dîmenan de yeno vînayene ke hêrişkaro ke saetanê şewe de 02.48 de yeno verê merkezî pê kardî tabela birneno û hetêkî ra zî ewnîyeno derûdorî ra. Hêrişkaro ke nêeşkeno pê karî tabela bibirno, biney çiman verî ra beno vîn la reyna agêreno birnayîşî rê dewam keno. Dima birnayîş caverdeno û tabela herinda ci ra raqilneno, geno şino.
Hêrişkar tabela beno erzeno çop. Şaro ke tabela vîneno, ano banê HDPyî de teslîmê selahîyetdaran keno. Dîya zanayene ke HDP do derheqê babete de pêhesnayîşê sûcî bikero.
