Paris de 3-5ê teşrîna peyêne de do Konferansê Ciwanan ê Dinya bêro kerdene. Ciwanan seba manaya konferansî wina vat: “Ma do tarîxî binusê, awan bikerê.”
Wina pawîyeno ke çar hetanê dinya ra ciwanî tewrê konferansî bibê.
Eşkerayîya seba konferansî de ame vatene ke ciwanî seba afernayîşê cuyêka alternatîfî xo rêxistin kenê ke têkoşîn bikerê. Eşkerayîye de wina ame vatene: “Ma do Konferansê Ciwanan ê Dinya yê 1. de kom bibê, perspektîfanê xo nîqaş bikerê û têkoşînê vera Modernîteya Kapîtalîste xurt bikerê. Seba ke no krîz global o, ganî cewabê ma zî global bibo. Ma venga pêro ciwanan danê ke tewrê konferansî bibê. Ma bimojnê ke ciwanî eşkenê şîyayîşê dinya bivurnê.”
Seba têkilîye: info@ronahi.eu
