Cinîyê colemêrgijî wayîrê kiras û fîstane ke kincê kurdan ê tradîsyonel ê vejîyenê.

Krîzo ekonomîk tesîrê kiras-fîstane zî keno. Colemêrg de vaya nînan hezar û 500 ra heta 5 hezar bîye.

Gulşen Îhtîyatogluya ke Colemêrg de bi serran o kiras û fistanan derzena û wina debara xo kena qala karê xo kerde. Gulşene ard ziwan ke muşterîyî modelêkî weçînenê, goreyê modelî a kincan derzena. Gulşene vat: “Qasê 7 serrî yo ez nê karî kena. Emser krîzî ra veyveyî kêm bîyî coka karê ma zî kêm bîyî. Hem qumaş vay o hem zî ma zî neçare manenê ke vayî ra bidersê. Vayê ceyran, awe û kîra zêdîyenê coka ma zî vaya deştişî zêdînenê.”

Gulşene îfade kerd ke ê kiras û fîstananê herêma Colemêrgî derzenê û vat: “Kiras û fîstanê ma rengin û xemilnaye yê. Verê cû Colemêrg de kincê veyvan zaf xemilnaye bîyî, sipî nêbîyî. Kincê renginî kulturê tradîsyonî yê kurdan ê. Ganî ma wayîrê nê kulturî vejîyê. Cinîyê kurdî qetî kincanê xo ra fek vera nêdanê. Bi taybetî veyveyan de kiras û fîstanan xo rê kenê.”