Vezîr Kaya (55) ku li Girtîgeha Tîpa T a Beşîkduzu ya Trabzonê dihat ragirtin û 30 sal bûn di girtîgehê de bû, hat berdan. Cezayê Kaya du caran hatibû taloqkirin û piştî 30 sal û 7 mehan hat berdan. Kaya, ji Girtîgeha Tîpa T a Beşîkduzu ya Trabzonê hat bajarê xwe Êlih e. Kaya, li Taxa Baglarê ji hêla xizmên xwe ve bi çepik û tililiyan hat pêşwazîkirin. Kaya, bi coşeke mezin a malbatê hate pêşwazîkirin û li gel endamê yê herî biçûk kevok firand.
Kaya, di sala 1993’yan de li Êlihê hatibû girtin û Dadgeha Ewlekariyê ya Dewletê (DGM) bi îdiaya “Xerakirina yekitî û yekparetiya dewletê” cezayê muebbetê lê biribû.
