Meclîsê Weşîya Karkeran û Asayîşê Karî (ÎSÎG) raporê xo yê cînayetanê karî yê menga temmuze eşkera kerd. Goreyê raporî menga hezîrane de 182 karkeran dinyaya xo bedilnaye.
Goreyê raporî cînayetê karî tewr zaf Stenbol de ciwîyayî. Zafê karkeranê ke dinyaya xo bedilnaye camêrd ê. 10ê înan doman û 8ê înan zî bextwaştox ê.
Yeno vînayene ke cînayetê karî goreyê menga ravîyarte xeylêk zêdîyayî. Menga hezîrane de amebî tesbîtkerdene ke tewr tay 159 kesan dinyaya xo bedilnaye. Hewt menganê verênan ê 2023yî de tewr tay 1071 karkeran dinyaya xo bedilnaye.
