Dema cendirme ji mala mêrik diçin û cîranê wan tên dipirsin. Gundî li ser xaniyê yek qat li cendirmeyan mêze dikin. Cendirme hê dûr neketine rastî gundiyekî tên. Ji gundî nifûsa wî dixwazin. qey nifûsa wî tune. Cendirme lêdixin, diavêjin erdê wek gogê bi pêhnan diavêjn ber nigên hev. Toz û dûmanek bi ser wan dikeve. Cendirme diwestin dev jê berdidin û diçin. Mêrik tê gund. Gundî jê dipirsin û dibêjin;
– Filankes ew çi bû toz û dûman bi ser te û cendirman ketibû?
Mêrik dibê tewş tewş peyivîn rabû min û wan me lihevxist. Dûman bi ser me ket. Gundî jê re dibêjin;
– Malneketo cendirme te ji kuştinê berda, me li we temaşe kir. Law rasterast bibêje cendirme li min xist û hew. Jixwe cendirme zilm û zorê li me tevan dikin. Çima rast nabêjî.
