Mazlûm Dag û Abdurrahman Er ên ji aliyê PDK’ê ve hatin girtin, bi daxwaza rawestandina lêgerînên keyfî, tundiya fizîkî, heqaret û ferzkirina kincên yekreng, di greva birçîbûnê de ne. Dag û Er ji 18’ê Gulanê û vir ve di greva birçîbûnê de ne.
Li gorî nûçeya Rojnewsê; Serokê Desteya Mafên Mirovan a Herêma Kurdistanê û Midûrê Giştî yê Girtîgehan ragihandine ku ji bo daxwazên Dag û Er were bicihanînin ji aliyê Wezîrê Karên Civakî yên Herêma Kurdistanê ve komîsyonek hatiye avakirin.
Hêjayî gotinê ye ku li ser metirsiya li ser jiyana Er û Dag û ji bo naskirina rewşa wan herdû girtiyan, malbatên wan jî derbasî başûrê Kurdistanê bûne û bi partî û saziyên başûrêk Kurdistanê re hevdîtinan dikin.
