Ji 25’ê Adara 2021’an ve ji Rêberê PKK’ê Abdullah Ocalan agahî nayê girtin. Tevî hemû serlêdananên malbatê, parêzeran û siyasetmedaran jî destûra hevdîtina li gel Ocalan nayê dayîn.
Parlamenterên Partiya Çepên Kesk Newroz Ûysal û Cengiz Çîçek têkildarî tecrîda ku li ser rêberê PKK’ê Abdullah Ocalan tê sepandin, pêşniyazpirsa lêkolînê da Serokatiya Meclisê. Parlamenteran xwest ku di bin sîwana Parlamentoyê de lêkolînek berfireh li ser tecrîdkirina Ocalan bê kirin û tecrîd li cihê wê bê lêkolînkirin.
