Di sala 2014’an de DAIŞ’ê êrîşeke hovane biribû ser Şengalê û di encama vê êrîşê de bi hezaran êzidî jiyana xwe ji dest dabûn. Her wiha bi deh hezaran êzidî jî ji aliyê DAIŞ’ê ve hatibûn revandin û bi awayekî komî hatibûn kuştin. Ji ber vê yekê li Şengal û Nînovayê bi dehan gorên komî yên êzidiyan hene.
Demeke dirêj e vekirina gorên komî dest pê kiriye û cenazeyên di van goran de radestî malbatên wan tên kirin. Rêveberiya Tiba Edlî ya Nînovayê, bi daxuyaniyekê ragihand ku ji gorek komî nêzî 39 cenazeyên welatiyên êzidî derxistine û piştî testên DNA’yê radestî malbatê wan kirine.
