Zîndano Padaye yê Amedî yê bi Asayîşê Berzî yê bi Hûmara 2 de vera tepişteyan binpaykerdişê heqan zêdîyayî. Cinîya Mehmet Şahînî Rojbîn Şahîne Ajansê Mezopotamya rê derheqê binpaykerdişanê heqanê zîndanî de qisey kerd.
Cinîya Mehmet Şahînî Rojbîn Şahîne ard ziwan ke badê ke mudîrê Zîndanê Amedî yê bi Asayîşê Berzî yê bi Hûmara 2 bedilîya, binbaykerdişî zî zêdîyayî.
Şahîne îfade kerd ke mêrdeyê ci serre ra zêdeyêr o tepişte yo û zîndan de bêhuqûqîyê estê. Şahîne da zanayene ke seba tepişteyan werdo ke dîyeno qîm nêkeno. Na çarçewa de mêrdeyê ci wina vato: “Gama ke ma vat werdî zaf xirab ê û pers kerd ke çira nê porsîyonî ameyî kêmîkerdene, îdareyê zîndanê ma de wina yarîye kerde: ‘Şima cara werd tahm kerd’. Badê ke enflasyon berz bî û zamî qewimîyayî, zîndan de porsîyonê werdî kêmî bîyî. Ge-ge bi hawayêkê keyfî awe birîyena. Demo ke ma sebebê na rewşe pers kerd, înan tadîlat sey bahane ramojna.”
Tepişte Mehmet Şahînî yew zî vato ke mektubî û kitabî nêresenê destê înan. Îdareyê zîndanî bi bahaneya kotayî kitaban depo de dano pawitene û nêdano tepişteyan.
