Dayikên Şemiyê bi daxwaza li aqûbeta windayên xwe bipirsin û kujer bên darizandin di hefteya 952’yemîn de li Qada Galatasarayê çalakiya xwe domandin. Dayikên Şemiyê vê hefteyê jî bi qerenfîlên di destên xwe de meşiyan Qada Galatasarayê.
Tevî ku Dadgeha Makeqanûnê (AYM) der barê qedexekirina qadê de biryarên “binpêkirinê” daye jî lê di hefteya 11’emîn de polîsan Dayikên Şemiyê dorpêç kirin. Polîsan êrîşî çalakiyê kir û Hevseroka Giştî ya ÎHD’ê Eren Keskîn jî di nav de gelek parêzvanên mafên mirovan destgîr kirin.
