Rojnamegere Bêrîvan Kutlu da zanayene ke çapemenîya azade tradîsyonê xoverdayîşî domnena û wina qisey kerd: “Çapemenîya azade qedexe û astengkerdişî qebul nêkena. Çunke rojnamegerîye sûc nîya.”

Kutlu îfade kerd ke seba bêvengkerdişê rojnamegeran tim dewa yena kerdene, ceza dîyena û vat: “Rixmê ney zî tradîsyonêkê xoverdayîşî est o. Tradîsyonê çapemenîya azade est o. Xîretê rojnamegeran dewam kenê ke raştîyan biresnê şarî. Rixmo ke îqtîdarî qedexe kerdo, derheqê binpaykerdişê heqan de hema zî xeberî yenê kerdene. Çapemenîya azade qedexe û astengkerdişî qebul nêkena. Çunke rojnamegerîye sûc nîya. Ma rojnameger ê û zanenê ke nê polîtîkayê îqtîdarî benê sebeb ke serebûtî nêrê eşnawitene.”

Kutlu qiseykerdişê xo rê wina dewam kerd: “Çapemenîya azade Kurdistan û Tirkîya reyde Ewropa de zî têkoşîn kena. La embazê ma tradîsyonê çapemenîya azade ra apey game nêerzenê. Nika 79 embazê ma yê rojnamegerî tepişte yê. La qelema înan hema zî şuxilîyena. Tewr peyên Anqara de embazê ma bi operasyonî tepişîyayî. Îdîaname de xeberê ke înan viraştê cagênê. Embazê ma pê ‘propagandaya rêxistine’ yenê sûcdarkerdene. La aya ke ma kenê rojnamegerî ya.”