Di 14’ê hezîrana sala 2018’an de, li navçeya Pirsûs a Rihayê, xizm û parastvanên parlamenterê AKP’ê yê Rihayê yê berê Îbrahîm Halîl Yildiz êrişî Malbata Şenyaşar kirin. Di êrişê de hevjîn û du kurên Emîne Şenyaşar hatin qetilkirin. Emîne Şenyaşar û kurê xwe Ferît Şenyaşar ku ji komkujiyê bi birîndar xelas bûbû, di 9’ê adara 2021’an de li pêşiya Edliyeya Rihayê dest bi Nobeta Edaletê kiribûn. Çalakiya malbatê di roja 818’an de berdewam kir. Ji ber ku dawiya heftê ye edliye girtî ye, malbatê çalakiya xwe li mala xwe ya li Pirsûsê domand.

Malbatê, li ser hesabê xwe yê medyaya sanal ev bang li Wezîrê Dadê Yilmaz Tûnç kir: “Ji bo bi dawîbûna zilmê, bi cihanîna edlaetê, bi dawîbûna derew û îftirayan wê têkoşîna me ya heqîqetê; heta ku heq cihê xwe bibine bidome! Em ji wezîrê nû yê edaletê li benmda îcraetê ne.”