Cizîre de 15 kesî raver operasyonê qirkerdişê sîyasîyî de ameyî destbendkerdene û dima ra tepişîyayî. Bedlîs de zî 2 kesî ameyî destbendkerdene.
9ê hezîrane de qezaya Cizîre ya Şirnexî de sereştişê keyeyan de Îdarekarê DBPyî yê Cizîre Remzî Dadak û hemwelatîyî Abîdîn Kuçuk, Îbrahîm Şahna, Nasir Şahna, Bezrîhan Dadak, Salih Bekiroglû, Sînan Dalmiş, Mehmet Çagdavul, Metîn Ecevît, Ridvan Şahna, Serkan Çagli, Rûken Acet, Melîke Duran, Muhlîs Dalmiş, Halime Sabar û Hasan Dadak û di kesê bînê ke nameyê ci nêzanîyenê, 18 kesî amebî destbendkerdene.
Nînan ra Remzî Dadak, Îbrahîm Şahna, Nasir Şahna, Bezrîhan Dadak, Salih Bekiroglû, Sînan Dalmiş, Mehmet Çagdavul, Metîn Ecevît, Ridvan Şahna, Serkan Çagli, Rûken Acet, Melîke Duran, Muhlîs Dalmiş, Hasan Dadak û di kesê bînê ke nameyê ci nêzanîyenê, bi îfadeyanê ‘şahîdê nimiteyî’ tepişîyayî.
Bedlîs de zî serê sibayî sereştişê keyeyan de Hemsereka HDPyî ya Bedlîsî Bêrîvan Bîrlîke û Îdarekarê Partîya Çep a Keske yê Bedlîsî Mahmut Arukbag ameyî destbendkerdene.
