Parlamenteranê Partîya Çep a Keske kombîyayîş kerd û mabênê xo de erkî vila kerdî.
Partîya Çep a Keske weçînayîşan ra pey parlamenterê xo ardî pêser. Kombîyayîş Anqara de ame kerdene. Hemvervatoxanê Partîya Çep a Keske Çîgdem Kiliçgun Uçare û Îbrahîm Akinî û Hemserekanê HDPyî Pervîn Buldane û Mîthat Sancarî serekîya kombîyayîşî kerde.
Kombîyayîş de erkê meclîsî ameyî vilakerdene. Parlamenterê Stenbolî Sirri Sureyya Onder do Serekwekîlîya Grûba Meclîsî bîyaro ca. Parlamenterê Sêrtî Tuncer Bakirhan do sey Amîrê Îdareyê Meclîsî wezîfe bîgêro. Parlamentera Adana Tulay Hatîmogullari zî Namzedîya Serekîya Meclîsî girewte xo ser. Parlamentera Erziromî Meral Daniş Beştaşe û Parlamenterê Antalya Saruhan Oluç do Serekwekîlîya Grûbe bikerê.
