Şaredarê navçeya Beylîkduzu ya Stenbolê yê CHP’î Mehmet Mûrat Çalik ji bo dengê xwe bide çû Dibistana Navîn a Dr. Ayla Savaş. Çalik, rastî êrişa devkî û fîzîkî ya peywirdarên sindoqê yên AKP’î hat. Hat zanîn ku muşahidên sindoqê yên CHP’î rozeta bi sembola dil xistibûn berstûyê xwe û rageşî jî ji ber vê derketiye.
Peywirdarên AKP’î yên ji vê rozetê aciz bûn, dema ku Çalik dixwest dengê xwe bide bi gotinên xwe ew tacîz kirin. Piştre jî AKP’iyan êrişî Çalik û CHP’iyan kir û li ser vê yekê polîsan mudaxele kirin.
