Malbata Şenyaşar ku di 14’e hezîrana 2018’an de 3 ferdên wê ji aliyê xizm û parastvanên parlamenterê AKP’ê yê Rihayê Îbrahîm Halîl Yildiz ve li Pirsûsê hatibûn kuştin, dengê xwe avêtin. Emîne Şenyaşar û kurê xwe yê namzetê Partiya Çepên Kesk ê Rihayê Ferît Şenyaşar dengê xwe li taxa Demokrasiyê ya navçeya Pirsûsê li Lîseya Anadolûyê ya Keçan a Fethî Şîmşek bi kar anîn.

Ferît Şenyaşar piştî ku dengê xwe bi kar anî ev peyam da: “Ji bo edalet û pêşeroke demokratît me peywira xwe bi cih anî. Tu meqam û mewqî ji jiyana mirov ne girîngtir e. Daxwaza me ew e ku bêyî bûyrek çê bibe em hilbijartina xwe bi dawî bikin û guhertinê pêk bînin.”