Yek ji kesayetê naskirî yê Terîqata Neqşebendî Ehsan Şêx Cemal Şêx Osman Neqşebendî bi boneya 14’ê Gulanê roja hilbijartina serokkomarî û parlemetoyê ya li Tirkiye bi peyamekê bang li welatî û taybet Terîqata Neqşebendî yên li Bakurê Kurdistanê kir.

Neqşebendî di peyama xwe de daxwaz ji xelkê kir ku dema çûn ser sindoqan xiyanetkarî û dagirkeriya rejîma Erdogan bînin bîra xwe û dawî li vê rejîmê bînin.

Di dewama peyamê de bang li gelê Bakurê Kurdistan û muxalefetê kir ku ew li benda mizgîniyeke dîrokî ne û got: “Her Kurd û Tirkên misilman û mirovdost û azadîxwaz li Tirkiye dijîn, divê di vê hilbijartinê dengê xwe yê îslamî ya aştî û dadperwerî, kerameta xwe biparêze.”

Di beşek din a peyamê de bal tê kişandina ser hişmendiya îslamî ya Erdogan a Îxwanî û DAÎŞ’ê û ev hate gotin: “Dema hûn çûn ser sindoqan xiyanetkar û dagirkeriya rejîma Erdogan bînin bîra xwe, dengê bidin xwe û dawî li rejîma dîktator a Erdogan bînin.”