Muzîsyen Cîhan Aymaz 3yê gulane de seba ke deyîra “Olurum Turkiyem” nêvatbî hetê nîjadperest Mehmet Caymazî ra kişîyabî. Muzîsyeno kurd Cîhan Aymaz Îskeleya Kadikoyî ya Stenbolî de seba ke nêwaşt deyîra ‘Olurum Turkiyem’ vajo, netîceyê hêrişê nîjadperestî yê bi kardî de ame qetilkerdene. Hêrişkero nîjadperest Caymaz sewqê Edlîyeya Anadoluyî ame kerdene û tîya de îtîraf kerd ke seba ke Aymazî waştişê ey ê deyîre qebul nêkerdo, o kişto.
Partîya Çep a Keske roja qetilkerdişê Aymazî de, çalakîyêka protestoyî kerdbî. Ciwanî Aydin Koçuk û Mehmet Îkto çalakîye ra dima hetê polîsan ra ameyî teqîbkerdene û dima zî ameyî destbendkerdene. Polîsan wird ciwanî berdî Qereqolê Rihtimî, tîya de îşkence û heqaretê ciwanan kerd. Ciwanî îşkenceyî ra dima bi îdîaya “vera polîsan vejîyayîş” sewqê Edlîyeya Anadoluyî ameyî kerdene. Koçuk û Îkto îfadeyî ra dima vera dîyayî.
Endamê OHDyî û avûkatê ciwanan Muslum Kocaogluyî da zanayene ke ciwanan polîsê îşkencekerî Ercan Bulut û Kemal Aslan teşhîs kerdî û gerreyê înan kerd.
