Sîyasetmedara kurde Aysel Tugluka ke nêweşîya demansî ra vera dîyabî rê yeno ferzkerdene ke “pawitişê xo bikera.”
Roniştişê dewa 5ê gulane de Mehkemeya Cezaya Girane ya Amedî de ame kerdene. Tugluke nêweşîya xo ra tewrê mehkeme nêbîye.
Avûkatê aye Serdar Çelebîyî roniştiş de vist vîrî ke înfazê cezaya muwekîla ci heta ke a weş biba ameyo taloqkerdene û waşt ke muhakemekerdiş wa vindero. La mehkeme bire daye ke Aysel Tugluke bi rayîrê SEGBÎSî mehkeme de xo bipawa.
Avûkatan Çelebî û Reyhan Yalçindage vera bira mehkeme îtîraz kerd û raporê ATKyî yê “nêeşkena zîndan de bimana” pêşkêşê mehkeme kerd.
