Hemserekê KODARî Fuat Bêrîtanî îfade kerd ke weçînayîşê 14ê Gulane do çarenuştişê kurdan dîyar bikero û wina vat: “Eke weçînayîş ra netîceya rinde bêro girewtene, no do tesîrê çar parçeyanê Kurdistanî bikero.

“Beno ke weçînayîşê 14ê gulane çarenuştişê kurdan dîyar bikero. Eke weçînayîş ra netîceya rinde bêro girewtene, no do tesîrê çar parçeyanê Kurdistanî bikero. Îqtîdaro faşîst ê Tirkîya do têkoşîn û statuyê Rojawan ser o tesîr bikero. Reyna serkewtişê Vakurî do tesîrê Rojhelatê Kurdistanî û kurdan, ereban, azerîyan, belucîyan, lazan û çerkezan ê ke vera faşîzmî şer kenê û dezgeh û partîyanê sîyasîyan ê Rojhelat û Îranî zî bikero.”

Bêrîtanî qiseykerdişê xo rê wina dewam kerd: “Dewlete çareserî nêafirnena, eslê xo çimeyê problemanê komelî ya. Dewlete heme wareyê têkoşînî şarî rê kerdî teng, her qeyde zext û zilmî kena. Dewleta tirke zî wayîra heman hişmendîye de ya, Rojhelatê Kurdistanî û Îranî de zî wayîra heman hişmendîye de ya. Coka ganî şarê ma wa nê hol bizano, ameyoxê xo dîyar bikero, modelê polîtîkaya xo aver bero û rolê xo kay bikero. Wextê sîyasetkerdişî ameyo. Ganî semedê pawitişê estbîyayîş, nasname û kulturê xo waran de têkoşîn bikero.”