Sercergêkê DAÎŞî vakurê Sûrîye de bi destê helîkopteranê Amerîka ame pirodayene.Tayê cergê ke girêdayîyê Anqara yê zî kişîyayî.
Eşkerayîya Fermandarîya Leşkerî ya Rojhelatê Mîyanênî ya Amerîka (CENTCOM) de ame parekerdene ke Amerîka vakurê Sûrîye de da sercergêkê DAÎŞî ro û beno ke no sercerg ‘kişîyayo.’
CENTCOMî dîyar kerd ke operasyon de ‘di kesê çekdarî’ zî kişîyayê û nasnameyê nînan nêzanîyenê. Goreyê eşkerayîye wextê operasyonî de zerarêk nêresayo sivîlan yan zî leşkeranê Amerîka ser.
Goreyê xebera AFPyî operasyon de komêka tirkan a herême da zanayene ke 2 çekdarê înan serebût de kişîyayê. Dezgehê Çimdarîye yê Heqanê Merdiman ê Sûrîye zî pare kerd ke wextê operasyonî de şerêko giran qewimîyayo.
