Hemserekê Partîya Çep a Keske yê Semsûrî Bekîr Gurbuzî vat ke 15ê gulane de welat do roja newî rê hîşyar bibo û wina qisey kerd: “Ma amadeyê ke a roja newî de pîya bi şarê xo welatê xo newe ra înşa bikerê.”

Gurbuzî bale ante tradîsyonê Partîya Çep a Keske ser ke yew nasname û kulturê ci est o  û vat:  “Seba ke vera partîya ma dewaya qefilnayîşî yena domnayene, ma bine nameyê Partîya Çep a Keske de kewenê vîjnayîşî. Xora zehmetîyê nê zî est ê.

Îqtîdarî erdlerz de wextî de destkarîya Semsûrî nêkerde. Xora bi xo zî no îtîraf kerd. Ma sey partîyanê sîyasîyan û platformê demokrasîyî tîya paştî daye şarê xo, birînê ci piştî. Komelî zî dahîna zelal dî ke kam hela tenge de cayê ci de yo. No semedê ma avantaj o. Ma ewro zî xebatanê weçînitişî de qala texrîbatanê îqtîdarî kenê.

Şarê Semsûrî wazeno xo azad îfade bikero û bananê mehkeman de biasayîş biciwîyo. Ma zî seba ke nê waştişanê ci bîyarê ca xebiteyenê. Rixmê heme zextanê îqtîdarî, destbendkerdiş û tepiştişî ma sey partiye do çirey peyser game meerzê. 15ê gulane de ganî no welat roja newî rê hîşyar bo. Ma amadeyê ke a roja newî de pîya bi şarê xo welatê xo newe ra înşa bikerê.”