Mehmet Îlhano ke sey “Mala Motorî” yeno naskerdene 74 serrîya xo de dinyaya xo bedilnaye.
Kadroyanê serkêşan ê PKKyî ra Ferhat Kurtayî nameyê “Mala Motorî” dabî Mehmet Îlhanî. Kurtayî vera zulmê Zîndanê Amedî Eşref Anyik, Mahmut Zengîn û Necmî Onerî reyde bedenê xo dabî adirî ver.
Mehmet Îlhan nêweşîyanê xo ra şî rehmet. Seba ey Camîya Hazretî Mûsayî de şîn ronîya. Îlhanî reya verêne qezaya Qoserî ya Mêrdînî de wezîfe girewtbî û uca de Ferhat Kurtay şinasnabî.
Seba ke o bi motorsîklete şîyêne camî û karê xo yê bînî zî pê na motorsîklete kerdêne nameyê ci sey “Mala Motorî” mend.
Lajê ey Abdullah Îlhano ke mala bîbî, 1982 de tewrê PKKyî bî û hêrişanê vera Rojawanî de şehîd bî. Lajê Mala Motorî yo bîn, Mala Necmettîn Îlhan zî 2014 de hêrişê cerganê DAÎŞî yê vera Kobanê de şehîd bî.
