Çewlîg de babîyê hîrê şehîdan Bahrî Menteşî (Xalê Bahrî) netîceya krîzê qelbî de dinyaya xo bedilnaye.

Lajê Bahrî Menteşî Faîk Heval (Emrullah Menteş) û Mamoste Xeyrî (Muhîttîn Menteş) eyaletanê Dêrsim û Amedî de fermandarîye kerdbî û şehîd bîbî. Bahrî Menteş zaf reyî amebî destbendkerdene û îşkence dîbî. O wextêk zîndan de zî mend. Dima ke dewa ey Rîze hetê dewlete ra ameye vêşnayene Bahrî Menteş surgunê Stenbolî bî. Lajê ey o bîn 1990an de raştê suîkastêkê JÎTEMî bîbî û birîndar bîbî.

Kênaya Bahrî Menteşî Kurdistane (Selamet Menteşe) 1998 de vera Komployê Mîyanneteweyî Zîndanê Mîdyadî de bedenê xo dabî adirî ver û şehîd bîbî. Zamayê Bahrî Menteşî gerîla Kamîl Gundogan zî 1990an de şehîd bî.

Bahrî Menteş dima ke HADEP weçînayîşanê 2000î de Amed de ser kewt agêra Amedî.

Bahrî Menteş (75) vizêr netîceya qelbî de şî rehmet. Cenazaya ey hetê girseyêkê pîlî ra dewa ci Rîze de ameye definkerdene.