Bi rasthatina 4`ê Nîsanê re ku rojbûna Rêberê PKK’ê Abdullah Ocalan e, 3`yê Nîsanê saet di 20:00`an de li ser malperên medyaya dijîtal kampanyaya hashtagê ya #FreedomForOcalanNow hat destpêkirin.
Kampanya ji aliyê 51 sazî, tevger û partiyên Yekitiyên Hêzên Demokratîk li Ewropayê ve hatibû destpêkirin û 2 rojan (3 û 4`ê Nîsanê) dewam kir.
Di çarçoveya kampanyayê de wêne û gotinên Ocalan bi zimanên cuda hatin parve kirin û daxwaza rakirina tecrîdê û pêkanîna azadiya fîzîkî ya Ocalan hat kirin.
Hashtaga kampanyayê #FreedomForOcalanNow li ser hesabên Twitter û Facebookê li 9 welatan (Tirkiye, Iraq, Almanya, Fransa, Swîsre, Belçîka, Awistralya, Awisturya, Hollanda) bû trend.
Hejmara twittên hatine belavkirin gihîşt 50 hezarî, piştre hashtag ji aliyê şîrketên her du platforman ve hat qedexekirin.
