Meclîsê Partîya Çep a Keske dîyar kerd ke vera rejîmê yewmerdimî ê do beyraqa têkoşînî berz bikerê û wina vat: “Ma seba awankerdişê komara demokratîke venga şarî danê. Ma tîya de yê û pîya serbikewê.”

Partîya Çep a Keske netîcenameyê meclîsê partî yo ke 26ê adare de virazîya eşkera kerd. Netîcename de wina ame vatene: “Bindest, demokrat, şorişgêr, elewî, kurd, cinîye û ciwanê nê welatî seba ke rejîmê yewmerdimî yê zordest û asayîşkarî ra bixelisîyê, raya komara demokratîke de semedê gameeştişî bi îmkanê tarîxî rîbirî manenê. Şuxilnayîşê nê îmkanî destê ma de yo û ma do ey bişuxilnê.”

Netîcename de yew zî wina ame îfadekerdene: “Partîya Çep a Keske hemverê gefanê ke vera HDPyî ameyî kerdene, wezîfeyê xo yê paştîdayîşî yê demokratîk û şorişgêrî bê taket-naketkerdişî ana ca. Partîye verê cû vatbî ke a şaranê Tirkîya bê weçînek veranêdana. Badê qerarî yo ke hetê heyetanê selahîyetdaranê HDPyî ra gêrîya, ma do prosesê weçînayîşî de beyraqa têkoşînî yo ke heta nika pîya virazîya sey Partîya Çep a Keske bikirişnê û berz bikerê.”