Namzedê Serekkomarî yê Îtîfaqê Miletî û Rayberê CHPyî Kemal Kiliçdarogluyî HDP zîyaret kerd û wina vat: “Persa kurde tede adresa pêro persan parlamento yo. Tu perse bê çareserî nîya. Bi îradeyê şarî nê persî çareser benê.”

Hemserekê Pêroyî yê HDPyî Pervîn Buldane û Mîthat Sancar pîya bi Vervatoxa HDPyî Ebru Gunaye û Serekwekîlê Grûba HDPyî Saruhan Oluçî Kiliçdaroglu pêşwazî kerd.

Derheqê pêvînayîşî de Kiliçdarogluyî wina vat: “Sîyaset ganî yo wareyê pêrodayîşî nebo. Rixmo ke xovîrarekerdiş û sey merdimanê medenî nîqaşkerdiş esto, çira ma pêro danê? Ma hetê yewîye û paştîdayîşî de yê. Ma wazenê ke seba çareserkerdişê pêro probleman pîya têbigêrê. Pêvînayîşî de ma îdareyanê herêmkî ser o vindertî. Ma uca de arz ziwan ke caardişê qeyûman rast nîyo. Her şert de ganî ma demokrasî bipawê. Seserra 21. qefilnayîşê partîyan baş nîyo.”

Kiliçdarogluyî wina dewam kerd: “Persa kurde tede adresa pêro persan parlamento yo. Tu perse bê çareserî nîya. Bi îradeyê şarî nê persî çareser benê. Yenê parlamento de kursî de kurdî qisey kenê. Eke îngilizkî yan franskî yo mîyanê parantezî de danê. Eke mîyanê metnê qiseykerdişî de kurdî vîyarena, ‘ziwano ke nê zanîyeno’ nusîyeno. Ez venga wîjdanê merdimanê nê welatî dana, ‘TRT Kurdî esto. No qanal weşane keno. Senîn beno ke şima ‘ziwano ke nêzanîyeno’ nusenê?”