Rojnamegeranê ke Nobeta Edaletî ya Şenyaşaran teqîp kerdêne Riha de ameyî destbendkerdene.
Qezaya Pirsûsî ya Riha de 14ê hezîrana 2018î de merdiman û pawitoxanê Palamenterê HDPyî Halîl Îbrahîm Yildizî keyeyê Şenyaşarî ra hîrê tenî qetil kerdbî. Emîne Şenyaşar û Ferît Şenyaşar vera nê qirkerdişî 9ê adara 2021î ra nata verê Edlîyeya Riha de Nobeta Edaletî tepişenê. Di rojnamegeranê ke Nobeta Edaletî teqîpkerdêne ameyî destbendkerdene.
Roja 727. ya nobete de muxabîra JinNewsî Gulîstan Dursune û rojnamegêro/a ke nameyê ci nêame musayene, rixmo ke kartê înan ê çapemenîye estbî, bi îdîaya “kartî sexte yê” ameyî destbendkerdene.
