Serokê Lijneya Bilind a Hilbijartinê (YSK) Ahmet Yener, di civîna çapemeniyê de axivî. Yener, da zanîn ku dîroka destpêkirina xebatên ji bo hilbijartinên Serokkomariyê û hilbijartinên giştî yên serdema 28’emîn ên di 14’ê gulanê de bên kirin weke 18’ê adarê hatiye diyarkirin û got: “Xebatên ji bo diyarkirina prensîbên dengdayînê yên dengdêrên li hundir û derveyî welat jî dewam dikin.”
Partiyên ku bikevin hilbijartinê
Biryara YSK’ê ya têkildarî partiyên siyasî yên ku dê tev li hilbijartinê bibin, di hejmara duh a Rojnameya Fermî de hate weşandin. YSK’ê di biryara xwe ya weşandî de diyar kir ku li gorî madeyên eleqedar ên qanûna bi hejmara 298 a “Li ser Bendên Bingehîn ên Hilbijartin û Qeydên Hilbijêran” û “Qanûna Partiyên Siyasî” ya bi hejmara 2820’an, 36 partiyên siyasî yên hatin dîtin ku herî kêm 6 meh beriya 14’ê gulana 2023’yan kongreyên xwe yên mezin lidar xistine û herî kêm nîviyê bajaran rêxistinên xwe avakirine dikarin tev li hilbijartinê bibin.
Navên partiyên ku dê bikarin tev li hilbijartinê bibin wiha ne:
1- Partiya Dad û Yekitiyê
2- Partiya Edaletê
3 – Partiya Pêşketin û Edaletê
4- Partiya Niştiman (Anavatan)
5- Partiya Tirkiyeya Serbixwe
6- Partiya Yekîtiya Mezin
7 – Partiya Tirkiyeya Mezin
8- Partiya Gel a Komarê
9 – Partiya Demokrasî û Pêşveçûnê
10- Partiya Çep a Demokratîk
11- Partiya Demokrat
12- Partiya Kedê
13- Partiya Pêşerojê
14- Partiya Ciwan
15- Partiya Yekitiya Hêzan
16- Partiya Maf û Azadiyan
17- Partiya Rizgariya Gel
18- Partiya Demokratîk a Gelan
19- Partiya Doza Azad
20- Partiya İyî
21 – Partiya Memleket
22- Partiya Netewe
23 – Partiya Tevgera Netewperest
24- Partiya Riya Neteweyî
25- Partiya Seadetê
26 – Partiya Çep
27- Partiya Guhertinê ya Tirkiyeyê
28- Partiya Karkeran a Tirkiyeyê
29- Tevgera Komunîst a Tirkiyeyê
30- Partiya Komunîst a Tirkiyeyê
31- Partiya Wetan
32- Partiya Jinûve Refah
33- Partiya Nûbûnê
34 – Partiya Tirkiyeya Nû
35- Partiya Pêşeroja Çep û Keskan
36 – Partiya Zafer
