Wextê erdlerzê Semsûrî de keyeyê Filikî ra 35 kesan dinyaya xo bedilnaye.

Şêxmûs Filikî dîyar kerd ke wextê erdlerzî de o Amed de bîyo û ameyo vatene ke xebatê gêrayîş û xelisnayîşî zaf erey ameyê kerdene.

Ma 35 cenazeyê xo dayî herre

Filikî wina dewam kerd, ‘‘Ma bi îmkananê xo nas û merdimê xo binê xirban ra vetî û dayî herre. Nika ez qet nêeşkena çîyêkî bifikirîya û nêzana ke ma do nika ra dima zî se bikerê, qet planêkê ma çin o. Ma bi zerrîya xo nêeşkîyayê şînê xo zî bikerê. Ma bi destanê xo 35 kesî vetî û dekerdê binê herre. Û hema zî binê xirban de cenazeyê ma est ê.’’

Ma bi îmkananê xo xirbî hewanayî

Alî Dereyî zî dîyar kerd ke ê wextê erderzî de hewn de bîyê û reyêk de dêsê banê înan înan ser o rijîyayo û wina dewam kerd, ‘‘Ma yewbînî verare kerde û ma nêeşkîyayê bivejîyê teber. Ceyran şîbî û varan varayêne. Ma bi destanê xo xirbî hewanayê, qet ekîbêke nêameye. Şarî pêro merdimê xo bi îmkananê xo vetî, ma 2 cenazeyê xo vetî û 6-7 kesî zî birîndar xelisnayî. Ma bi xo heqê kepçeyan da. Yeno vatene ke Semsûr de 32 hezar însanî merdê.”