HDPyî vera xespkerdişê merkezê hetkarî yê Bazarcixî pêhesnayîşê sûcî kerd.
Komîsyonê Huqûq û Heqanê Merdiman ê HDPyî û avûkatanê partîye seba ke merkezê hetkarî yê Hasankoca yê Bazarcixî bi cakerdişê qeyûmî ame xespkerdene û falîyetê hetkarî ameyî astengkerdene, derheqê Wezîrê karanê Zereyî yê Tirkî Suleyman Soylu, Walîyê Mereşî Omer Faruk Coşkun, Qaymeqamê Bazarcixî Mustafa Hamit Kiyici, Fermandarê Cendirmeyan û heme selahîyetdaranê ke derheqê babete de ferman dayo û tewrê çalakîya sûcî bîyî de, pêhesnayîşê sûcî kerd.
Pêhesnayîşê sûcî de ame vatene ke Merkezê Hetkarî yê Cemxaneyê Hasankocayî ke tede qeyûm ame cakerdene û ame destsernayene de têna falîyetê hetkarî nêameyêne organîzekerdene, eynî wextî de mexdûrê erdlerzî zî nê merkezî de manenê.
Waştişnameyê pêhesnayîşê sûcî de ame vatene ke qaymeqamê Bazarcixî pîya bi seyan leşkeran ke destê înan de tifîngî estbî, eşt nê warê aştîye ser û vat înan dest nayo bîna û hetkarî ser. Qaymeqamî vato o tîya şeş kesan ra îdareyêk ca bikero û tirî zî tede dest nayo heme malzemayanê hetkarî ser.
