Gef û êrîşên Îsraîl û Îranê yên li dijî li derveyî her du welatan berdewam dikin. Di saetên şevê de Îsraîlê, li taxa taxa Kefr Sûsa ya paytexta Sûriye Şamê ku lê avahîyên dezgehên ewlehî û îstixbaratê hene li dijî avahiya navenda çandê ya Îranê êrîşeke bombebaran pêk anî. Li vê taxê avahiyên dezgehên ewlekarî û îstixbaratê hene û berpirsên payebilind lê dijîn.

Wezareta Parastinê ya Sûriyeyê, der barê êrîşê de daxuyaniyek da û diyar kir ku êrîş saet di 00:22’an de ji aliyê herêma Golan a dagirkirî ve hatiye kirin û ragihand ku li Şam û derdora wê gelek sektor hatine hedefgirtin. Wezaretê, angaşt kir ku di êrîşê de 5 kesan jiyana xwe ji dest dane û 15 kes jî birîndar bûne.

Çavdêriya Mafê Mirovan a Sûriyê, vê daxuyaniya wezaretê derewand û diyar kir ku bîlanço girantir e û da zanîn ku sivîl jî di nav de 15 kesan jiyana xwe ji dest daye. Li gorî Çavdêriya Sûriyê, êrîşê li dijî avahiyek nêzîkî navenda çandî ya Îranê hatiye kirin û navendên ku milîsên Îranî û Hizbullahên Lubnanî lê ne hedef hatine girtin.

Hat diyarkirin ku ev êrîş êrîşa herî kujer a Îsraîlê ya li Şamê ye.