Serokkomarê AKP’î Tayyîp Erdogan ragihandibû ku dê mexdûrên erdhejê li wargehên xwendekaran bi cih bikin. Piştî vê wargehên xwendekaran yeko yeko tên valakirin. Li Amedê wargeha KYK’ê ya Halîd Bîn Velîd tê valakirin.
Midûrê Wargeha KYK’ê Halîd Bîn Velîd, bi zorê xwendekaran ji wargehê derdixe. Hat hînbûn ku rêveberiya wargehê ji xwendekarên ku cihekî pê de biçin tune ye gotin, “Mesûliyeta eşyayên we ne di stuyê me de ye. Ger hûn eşyayên xwe li vir bihêlin, em ê eşyayên we têxin kîsikan û bavêjin depoyê.”
Piştî vê gelek xwendekar eşyayên xwe xistin nav kîsikan û ji wargehê derketin.
