Serekwekîlê Grûba HDPyî Sarûhan Olûçî dîyar kerd ke Nobeta Edaletî ver bi Wezaretê Edaletî qedîyaye û 6ê sibate de rayşîyayîşê ‘Ma seba çareserîye ver bi Îmraliyî şinê’ Qoser û Geverî ra dest pêbikero.
Sarûhan Oluçî vat, ‘‘Nobeta Edaletî ya ke 21ê kanuna 2022î de bi rayşîyayîşê meclîsî ra ver bi Wezaretê Edaletî ma dabî destpêkerdene, ewro roja 32. de ya. Ma ewro peynîya nobeta xo anê. Sebebê na çalakîye zî seke her kes zano, tecrîdê giran ê Îmraliyî yo. Bi çalakîye ma waşt ke Wezaretê Edaletî peynîya bêvengîya xo bîyaro. Îmraliyî de no demêko derg o ke tecrîd dewam keno û no tecrîd rasta zî tesîrê xo pêroyê Tirkîya û wareyanê mîyannetewîyî rê est o. Dinya de nimûneyêka winasêne çin a.’’
Olûçî wina qisey kerd: ‘‘6ê sibate û dima ma do dest pê rayşîyayîşê ‘Ma seba çareserîye ver bi Îmraliyî şinê’ kenê ke do Qoser û Geverî ra dest pêbikero. Seba ke gere bi lezûbez peynîya na bêhuqûqîye bêra û pêvînayîşî bêrê kerdene, ma reyna venga Wezaretê Edaletî danê, verdê ke huqûq bêro caardene, cewap bidê muracatan, verdê ke avûkatî bieşkîyê pêvînayîşan bikerê. Verdê ke wa avûkatî û 4 hikmwerê Îmraliyî yewbînan bivînê.’’
