Serekwekîla Grûba HDPyî Meral Daniş Beştaşe dîyar kerd ke qefilnayîşê HDPyî dafikêka AKP-MHPyî ya û wina qisey kerd: “Ma do cewabê na dafike 14ê gulane de bidê.”

Qiseykerdişê Beştaşe ra tayê noqtayê girîngî wina yê:

“Îqtîdarê AKP-MHPyî zûran ser o ronîyayo. Ma do nê îqtîdarê zûrkerî bişawê. Hînî welatê Yewîya Ewropa zî zanenê ke no îqtîdar zûran keno. Îqtîdarê AKP-MHPyî nîjadperestîye û nefretî ser o polîtîkayan keno. Almanya de parlamenterê AKPyî nefret û nîjadperestîye ser o kampanyaya weçînayîşî kenê. Îqtîdarê AKP-MHPyî welatanê Ewropa de kurdan û muxalîfan tehdît kenê. Ma venga Almanya danê ke verê nê kerdişan tedbîranê xo bigêrê. Ganî rayaumûmîya Almanya zî kerdişanê îqtîdarê AKP-MHPyî ra hayîdar biba.

Dewaya qefilnayîşê partîya ma û dewaya Kobanê dafikêka AKP-MHPyî ya. Îqtîdarê AKP-MHPyî, Erdogan û Bahçelî sey serekê mehkeme têgêrenê û fermanan danê warê muhakemekerdişî. Waştişê înan ser o bloke nîya hesabanê ma yê xezîne ser.  Nêno qebulkerdene ke pê qiseyanê şahîdanê nimiteyan hesabê ma bêrê blokekerdene.  Ma do cewabê na dafike 14ê gulane de bidê. Şarê ma do cewabê înan bido.”