Kombîyayîşê peyênî yê KNKyî de tecrîdê Îmraliyî ame ercnayene û wina ame vatene: “Ma venga Parlamentoyê Ewropa û CPTyî danê ke vera tecrîdî erkanê xo bîyarê ca, tecrîdî wedarnê.”

Eşkerayîya KNKyî wina ya:

“Dewleta tirke gefanê xo yê vera Rojawanî rê dewam kena û armanc kena ke pêro Rojawanî îşxal bikera. Dewleta tirke hêrişanê xo yê vera Başûrî zî dewam kena û nê hêrişan de çekanê qedexekerdeyan şuxilnena. Tirkîya û Vakurê Kurdistanî de qet yew rêçê demokrasî zî nêmendo. Îqtîdarê AKP-MHPyî kultur û ziwanê kurdan qedexe keno û estbîyayîşê kurdan red keno. Reyna hêrişê vera Mexmûr, Şingal û Rojawanî zêdîyayî.”

KNKyî bi taybetî tecrîdê vera Rayberê Şarê Kurdî Abdullah Ocalanî kombîyayîşê xo de ercna û na eşkerayîye kerde: “Ma venga Parlamentoyê Ewropa û CPTyî danê ke vera tecrîdî erkanê xo bîyarê ca, tecrîdî wedarnê.”