Li Wanê di saetên êvarê de barîna berfê dest pê kir û hê jî barîna berfê didome. Ji ber berfê riya gelek tax û gundan hat girtin.
Li bajarê Wanê duh barîna berfê dest pê kir û berf hê jî dibare. Ji ber berfê riya gelek gund û taxan hat girtin. Hat diyarkirin li cihên bilind stûriya berfê gihîştiyek metroyekê û li navenda bajêr jî stûriya berfê ji 30 santîmetreyan zêdetir e.
Kuçe, cade û taxên Wanê di bin berfê de man û dar û parkên bajêr bi berfê xemilîn. Ji ber berfê ji bo xwendekarên bi dolmîş û wesayîtan diçin dibistanê rojek biryara betlanê hat dayîn. Dikandarên bajêr jî berfa li ber deriyên xwe paqij kirin.
