Serdozgerê Komarê yê Dadgeha Bilind Bekîr Şahîn, ku doz girtinê li HDP’ê vekiribû, beriya çend rojan serî li Dadgeha Destûra Bingehîn (AYM) da û xwest ku beriya ku doza girtinê bê dîtin alîkariya xezîneyê ya ji bo HDP’ê tê kirin bê betalkirin û hesabên HDP’ê bên bloqekirin. Komîsyona Hiqûq û Mafên Mirovan a Partiya Demokratîk a Gelan (HDP), li dijî vê daxwaza Şahîn a ji AYM’ê îro serî li AYM’ê da.
Cîgirê Hevserokê Giştî yê ji Lijneya Rêveberiyên Herêmî Berpirsyar ê HDP’ê Mehmet Ruştu Tiryakî, der barê daxwaza Şahîn a ji AYM’ê de axivî û diyar kir ku daxwaz destwerdaneke yekser a li siyasetê ye û ji AYM’ê xwest ku bêyî ku vê serlêdanê binirxîne red bike.
Her wiha Tiryakî, ji AYM’ê dîtina doz girtina partiya wan jî taloqî piştî hilbijrtinê bike.
