Kiştoxê Qirkerdişê Parisî William M. ame dekerdene hucreyî.
Goreyê xebera Franceinfoyî kiştoxê Qirkerdişê Parisî yê 23yê Kanûne William M. ameyo dekerdene hucreyî.
Vera William M. sucanê ‘kiştişê bi dişmenîya vera nîjadêk, etnîkêk, netewe û dînêkî’, ‘xîretê kiştişî’, ‘bêdestûr destvistişê çekan’, ‘destvistişê çeke’ dewa ameye akerdene.
Kiştoxê 69 serrî 23ê kanûne de hêrişê Merkezê Kulturî yê Ahmet Kayayî û di kargehanê kurdan kerdbî û 3 kurdî qetil kerdbî. Kurdî, xeylêk rêxistinê komelê sivîlî û partîyê sîyasîyî wazenê ke hêriş sey ‘hêrişêkê terorîstî’ bêro pênasekerdene û hetê dozgerîya neteweyî ya antî-terorî ra tehqîqat bêro kerdene.
