Artêşa tirk, êrîşên ku şewa 19’ê mijdarê de li djî Bakur û Rojhilatê Sûriyeyê dabû destpêkirin bênavber didomîne. Di vê çarçoveyê de artêşa tirk careke din li dijî gundên Kobanê yên rojavayê Kobanê êrîş da destpêkirin. Li gorî nûçeyeke ku Ajansa Nûçeyan a Hawarê (ANHA) daye, artêşa tirk 3 gundên bi navê Zormixar, Çarqilî û Ziyare yên dikevin rojavayê Kobanê bi çekên giran topbaran dike.
Hêjayî bibîrxistine ye ku artêşa tirk duh gundên Girê Spî û Eyn Îsa yên nêzî eniyên şer bi çekên giran dabû ber topan. Di van êrîşan de welatiyê bi navê Salih Elî Selame (61) ê ji eşîra Ebo Esaf ku li gundê Bîr Îsa li nav zeviya xwe bû bi topeke artêşa tirki jiyana xwe ji des da.
