Hemsereka Pêroyî ya DBPyî Salîha Aydenîze û tayê parlamenteranê HDPyî seba pêvînayîşê bi Rayberê Şarê Kurdî Abdullah Ocalanî muracatê Wezîrîya Edaletî kerd.
Hemsereka Pêroyî ya DBPyî Salîha Aydenîze û tayê parlamenteranê HDPyî Gulîstan Kiliç Koçyîgîte, Nuran Îmîre û Erdal Aydemîrî seba pêvînayîşê bi Rayberê Şarê Kurdî Abdullah Ocalanî muracatê Wezîrîya Edaletî kerd. Waştişnameyê muracatî de ame waştene ke wa ê Abdullah Ocalanî zîyaret bikerê le 20 mengî yo tira xebere nêna girewtene.
Hemserekanê Pêroyîyan ê HDPyî Pervîn Buldane û Mîthat Sancarî, Vervatoxa HDPyî Ebru Gunaye, Parlamenterê HDPyî yê Riha Omer Ocalanî zî 20ê teşrîna verêne de seba pêvînayîşê bi Abdullah Ocalanî muracatê Wezîrîya Edaletî kerdbî. Wezîrîye qetî cewab nêda nê waştişî.
