Dewleta Tirke ya qirkere di şexsê îqtîdarê AKP-MHP de bi cesareto ke bêvengîya hêzanê mîyanetewî ra gena, verva Kurdan qunaxêko newe yê şerrî da destpêkerdene. Êrîş û şerrê verva Rojavayî no qunaxo newe yo.

Dewleta Tirke bi şerrê verva Herêmanê Pawitişî êy Medya hesabêy pîlîy kerdîbîy. Nêy hesabîy Zap, Metîna û Avaşîne de ro xoverdêrîya Gêrîlayanê Azadîya Kurdistanî qelebîyay. Hesabê Dewleta Tirke di mîyanê hefteyêke, didi hefteyan de bi serkewtiş û îşgalkerdişê Vaşûrî bî. Hesaban nêgirewt û 7 aşmîy o şerrêko sinebisîne yê cepheyî yeno dayene.

No di tarîxê şarê Kurdî de çîyêko newe yo. 7 aşmîy o rixmê heme teknîkê averkewteyî yê şerrî, hêza hewayî, hetkarî û hemkarîya NATO û tewir peynî verê çimanê dinya de bikarardişê sîlahêy kîmyewî û bombeyanê qedexeyan, artêşa Dewleta Tirke verva xoverdêrîya gêrîlayan asê menda, têkşîyişî ver de ya.

Ney şerrî îqtîdarê AKP-MHP ke di bedêlê qirkerdişê şarê Kurdî de heme dewlete teslîmê ey amî kerdene, hetê eskerî, sîyasî, aborî û civatî ra vist mîyanê krîzêkê pîlî. Dewlete amî talankerdene û îqtîdarî sûcêy pîlîy kerdîy. Îqtîdar, xisûsî zî Erdogan zaneno heke di ney şerrî de bi ser nêkewo, ameyîya ey qet başe nîya û do bêro mehkemekerdene.

Tirkîya kewta pêvajoya weçînayişî û çîyo ke no îqtîdar bido şaranê Tirkîya zî nêmendo. Di şertanê ewroyî êy Tirkîya de dorêka bîne weçînayişî ra serkewte vecîyayişê Erdoganî, mumkun nêeyseno. No şerr bi perrêkê xo zî sîgortaya Erdoganî yê weçînayişan o.

Di na rewşe de didi rayirê Erdoganî estîy bîy. Ya yewîne bi kurdan reyde pêkardişê werêameyişêke û ya didiyine zî şerr bî. Erdoganî weçîneka didiyine, şerr weçîna. Erdogan wazeno bi îşgalkerdişê tay herêmanêy bînan di Rojavayî de şêro weçînayişan. Reyna ke mumkun bo, di çarçoveya xeyalanê Osmanîtîya newîye de xo herême de mende bikero û hesabanê ke gere bido ra, xo bixelesno. No qerar tenê yê Erdoganî nê, bi zixtnayişê hêzanêy mîyannetewîyan bî zî.

Zê Erdoganî û dewleta tirke, hesabêy hêzanêy mîyanetewîyan zî est ê. Înan zî  di çarçoveya şerrê 3’ine yê Cîhanî de herme de planêke daya destpêkerdene û wazenê seba seserra ameyî, herême newe ra dîzayn bikerê. Rochelato Mîyanên di wareyê xetanê enerjîyî û rayiranê bazirganîya ameyîye de, seba pergala hêzanê gerdûnî cayêko zaf muhim o. Bi no sebeb zî gere na xete de tu hêzêke teberkontrolî nêmana. Persgira zî îtîya de vecîyena orte.

Têgêrayişê Azadîya Kurde ya bi paradîgmaya  Neteweya Demokratîke di vernîya ney dîzaynî de kelem a. Heke Pergala Vakûr-Rochelatê Sûrîya ke felsefeya Netewa Demokratîke sero ameya awankerdene bi ser bikewo, do hesabê dîzaynê neweyî yê hêzanê mîyanetewîyan zî têk şêro. No zî seba pergala gerdûnî çîyo ke bêro qebûlkerdişî nîyo. Seba serkewtişê dîzaynê neweyî, gere vernîye ro na pergale bêra girotene ke na nêbo zî qasêke bêra kontrolkerdene.

Wayirê na plana newîye baş zanenê ke 40 serrîy o rixmê heme hetkarîya ke daye Tirkîya, reyna êrîş û komployan, nêşikay Têgêrayişê Azadîya Kurde, têk berê. Nika bi planêy cîya cîyayan wazenê na hêza ke nêşikena bêra têkberdişî, bê îrade bikerê û definê binê kontrolê xo.

Di binkeya bêvengîya verva nêy êrîş, qirkerdiş û hovîtîyanê dewleta tirke êy hêzanê mîyanetewîyan de no feraset est o. Bi vatişêko bîn wazenê bi dişmenanê Kurdan êy herême, Kurdan bidê terbîyekerdene. Na seba Emrîka zî, Rûsîya û Ewropa zî derbasdar a. Seba ke Îraq û Sûrîya bi halê xo bilî bîyê, herême de ya ke seba ney karî bêra bikarardiş, Tirkîya û heta radeyêke zî Îran o. Êrîşanê Tirkîya êy seranserê Kurdistanî reyde, êrîşê Îranî êy verva Vaşûrî zî tesaduf nîyê.

Di na alozîya ke bi her awayi duştê Kurdan eysena de, Kurdîy bêçare nîyê. Kurdistan zê axe, di qelbê na cografîyaya ke newe ra yena dîzaynkerdişî de yo. Hêzêy mîyanetewî zî baş zanenê heta ke persgiraya Kurde çareser nêbo, dîzayno ke di Rochelatê Mîyanênî de yeno plankerdişî nêşikeno bi awayêko rihet bikewo merîyete û xo bidomno. Polîtîkayê qirkerdişî zî êdî kar nêkenê. Xora se serrîy o di merîyete de yê û bi ser nêkewtîy.

Felsefeya Neteweya Demokratîke têreyde cuwîyayişê şaran û îdeolojîyê cenîya azade ya Rayver Apoyî, şaro Kurd ard qunaxêko newe. No îdeolojî ewro di serre de Rochelato Miyanên ro heme dinya vila beno. Hetê behreya şerr û eskerî ra zî tewir baş, hêzêy ke herême dîzayn kenê, Kurdan şinasnenê.

Reyna Rochelato Mîyanên de bê Kurdan, di serre de Emrîka, hêzêy mîyanetewî nêşikenê game bierzê. Ke rewşa ferasetê civatî yê dewletanê herême verçiman de bêrogirotiş, civato tewir demokratîk û sekuler ke şikeno bi heme şar û bawerîyan reyde bicuwîyo, Kurd ê. Hêzêy mîyanetewî naye baş zanenê û wazenê Kurdêy ke bi goreyê înan teber raye de yê, bigerê binê kontrolê xo. Seba nêy kontrolî zî tay zextîy hewce yê. Dewleta Tirke seba ney karî çiwaya tewir kêrameyîye ya.

Heke ewro di serre de Emrîka û NATO, reyna Ewropa û Rûsya destûrê êrîşanê hewayî dayo û verva êrişanê hovan êy Dewleta Tirke bêveng ê, reyna verva bikarardişê sîlahanêy kîmyewîyan hîrê meymûnan kaye kenê se, sebeb terbîyekerdiş û girotişê binkontrolî yê Azadîya Kurde yo.

Heke şaro Kurd di çar perçeyanê Kurdistanî û dinya de dormeyê Têgêrayişê Azadîye de bêro pêhete û tekoşîna xo bi awayêko ke yena waştişî berz bikero, do nêy hêzîy zî na helwesta xo ra fek vera bidê. Çareserîye kewtişê binkontrolî nê, di her cayî de pêkardişê yewîtîya netewî û zafêrî berzkerdişê tekoşîne yo. Ke na pêk amî, tu êrîş û hêzêke nêşikenê vernîye ro serkewtiş û azadîye bigêrê.